Yndisgróður: Yndisgarður á Hvanneyri
Senda fyrirspurn
Minnka letur
Stækka letur

Um Yndisgróður

Um Yndisgarða

Plöntuleit

Skilgreiningar

Harðgerði og vaxtarsvæði

Skjólbelti framtíðar 

Götutré 

Fjölærar plöntur

Úrvalsyrki

Planta mánaðarins

  

 

 

 

Yndisgarður á Hvanneyri

Yndisgarðurinn á Hvanneyri er nýjasti garður Yndisgróðurs.  Byrjað var að gróðursetja sumarið 2011 og haldið áfram vorið og sumarið 2012.  Garðurinn er staðsettur í slakkanum norðan við Rannsóknarhúsið. 

Garðurinn á Hvanneyri er fyrst og fremst hugsaður sem kennslugarður fyrir nemendur Landbúnaðarháskóla Íslands, þar sem þeir geta fræðst um garð- og landslagsplöntur í tengslum við nám sitt. Hann er þó til sýnis fyrir allan almenning rétt eins og aðrir Yndisgarðar. Hinn almenni garðeigandi getur fræðst um hentugar plöntur til ræktunar á Vesturlandi.

Haustið 2012 voru í garðinum skráð 150 yrki en sumarið 2017 stendur til að stækka garðinn og bæta við beðum. Búið er að gróðursetja fjölæringa og skrautgrös í eitt af þeim beðum sem bætast við. Nánar má lesa um fjölæringa og skrautgrös hér

Hér má nálgast uppdrátt af yndisgarðinum á Hvanneyri, uppfært 2016.

Á Hvanneyri er Yndisgróður jafnframt með rannsóknir á skjólbeltum og er lítið dæmi um skjólbelti staðsett ofan við garðinn - sjá upplýsingar um verkefnið Skjólbelti framtíðar.

Loðvíðisafni var komið upp á Hvanneyri árið 2017 og er staðsett austan við skólabygginguna, Ásgarð. Upplýsinar um rannsóknir Yndisgróðurs á íslenskum víðitegunudm má sjá hér.

Loks er gaman að segja frá því að býflugnadrottningin Hvönn flutti með sitt bú í garðinn vorið 2017, sjá frétt um það hér.

Garðurinn er orðinn vel gróinn og ætti að vera notalegt afdrep fyrir Hvanneyringa og aðra gesti til að slaka á í fallegu umhverfi með býflugum og blómum.

 


Fallegur sumardagur í Yndisgarðinum á Hvanneyri 19. júlí 2016.

 


Séð yfir hluta garðsins í júlí 2016.

 
 Við fyrstu gróðursetningu í garðinum á Hvanneyri 28. júlí 2011.  Hafnarfjall tignarlegt í baksýn.


Garðurinn á fyrsta ári, 2011. Séð til norðurs - gamla Skólastjórahúsið í baksýn.

 

 

Byggir á LiSA - Eskill, Sharepoint, Veflausnir og Vefumsjónarkerfi

Nytjaplöntur á Íslandi
2011